موضوع: كل حاجة عن التورنت وبرماجووو حصريا على اصدقاء الثلاثاء أبريل 10, 2007 6:48 am
برنامج BitSpirit ودة برنامج لتنزيل الالعاب والافلام والبرامج وكل شىء عن طريق ملفات التورنت ويعتبر من اقوى البرامج فى هذا المجال
وقبل ما نتعرف على البرنامج نتعرف الاول على تقنية التورنت
بداية نظام البت تورنت اخترع من قبل الامريكي برام كوهين وجعلة مفتوح المصدر وهذا النظام يعتمد على المستخدمين بمشاركة الملفات وذلك بعكس نظم تبادل الملفات
البت تورنت او ملفات التورنت
هو نظام لتوزيع الملفات بنظام السيطرة على الارسال والاستقبال TCP\IP او بشكل ابسط يعتبر من نظم تبادل الملفات لكن بشكل ابسط واسرع نوضح اكتر اى حد فينا بيحب ينزل حاجة من الانترنت بينزلها من موقع هنا الموضوع مختلف انت بتنزلها من كل الاشخاص اللى عندهم الملف اللى انت محتاجة وبيستخدموا تقنية البت تورنت بيكون التحميل اسرع وافضل وتقدر تعمل استوب وتكمل التحميل فى اى وقت وكل ما زاد عدد المتصلين بالملف زادة سرعة التحميل وانت بعد ما تحمل البرنامج او الملف اى شخص تانى هيحتاج الملف انت هتكون من ضمن الاشخاص اللى هيحمل منهم الملف لو كنت بتستخدم البرنامج واون لاين وقت ما هو يكون بيحمل انتوا متخيلين الفكرة وروعتها ونقدر نقول وداع ان احنا نعمل بحث عن برنامج او اى ملف ومش هنلا قية اكيد فى شخص عندة الملف اللى احنا محتاجينة انا مثلا دورت فى كل منتديات ومواقع الالعاب على لعبة تومب رايد وما لقيتهاش واتحدى ان اى حد يقدر يجيبلى موقع او منتدى علية اللعبة لكن مع التورنت لاقيت كل اجزائها ناقص ان احنا نعرف حاجتين
اولاملف التورنت
كل برنامج او لعبة او فيلم او اى شىء عاوزين ننزلة لازم نجيب ملف التورنت بتاعة ودة شىء سهل جدا لان فى مواقع بحث كتير متخصصة فى البحث عن ملفات التورنت تقدر تنزل ملف التورنت منها
ثا نيا برامج التورنت وهى كتير اوى ومنها
bitcommet bitspirit BitTorrent TorrentStorm وانا شخصيا افضل برنامج bitspirit سهل فى الاستخدام
الثلاثاء أبريل 10, 2007 6:48 am